Laster opor sasoia izango dozue paraje horretan eta akaso zuetako batzuk Zelanda Berrira etorteko planak egin gura dozuez. Hemen makinatxo bat argibide zuen bidaia antolatzeko balekoak izan leitekezanak.

Hegaldia

.

Niri hona etortekoa nintzala emon eustien aholkua emongo deutsuet: Bidaia ekialdetik egin mendebaldetik baino. Hau da, Asiako herrialderen baten eskala eginda. Ze antza, amerikarrak aireportuetako kontrolekin oso zorrotzak dira.

Nire kasuan, Bilbo-London-Kuala Lampur (Malaysia)-Auckland izan zan ibilbida. Baina konbinazinoak asko dagoz. Online erosi nebazan hegazkin txartelak (edreams) bilatzailea erabilita. Kontuan izan: hegalditik hegaldirako tarteak (2 ordu gomendatuko neuke nik badaezpada) eta normalean astebitarteetan merkeagoa ataraten da. Gero, kontuz maleten gainkargarekin. Begiratu ondo konpainien webguneetan zenbat izten daben gehienez, ze oso zorrotz ikusi dodaz nik asunto honetan.

Papeleoa

Turista moduan sartzeko ez da behar gure kasuan ezer. Pasaportearekin nahikoa. Hori bai, pasaportearen iraungitze data (kaduzidadea) bueltako eguna + 6 hilabetekoa izan behar da. Turista bisatuak 3 hilabeteko balioa dauka. Hortik gorako egotaldietarako imigrazino departamentuan baimen bereziak eta bisatu berezien eskaria egin behar da.

Garrantzitsua, bestetik, ekarriko dozuena maletan. Ezta pentsau ere jatekorik edota edatekorik ekarterik! deskuidoan medikamenturik beharko badozue eskatu badaezpada medikuari agiri ofiziala zertarako hartu behar dozuzan azalduz.. Eta gero, ez deklaratu landagunean, mendian edota basoetan ibili zarenik azken hilabeteetan. Obsesionauta bizi dira mendiko botatan edota trekineko zapatiletan bakteriarik edo ekarriko ete dogun. Zelanda Berriko aireportuan, kontrolean, hegazkinean emoten deutsuen txartel bat entregatu behar dozue. Niri asko balio izan eustan txartel horren gaztelerazko bertsinoa inprimatuta eroateak.

Autokarabana

Dinoe autokarabana bat alokatzea dala herrialdea goitik behera zeharkatu eta ezagutzeko modurik ekonomikoena eta komodoena be bai. Egiak izan behar dau, ze autokarabanen eskaintza handia dago. Eta nik, zuzenean, bertoko enpresa bategaz kontaktauko neuke, bitartekari barik. Hona hemen erreferentziazko webgune batzuk:

•  - capervan.co.nz
• - scaperentals.co.nz
• - maui-rentals.com
• - rentacapervan.co.nz

Zelanda Berriaz

Edozein gauzari buruzko informazinoa eskuratzeko wikipedia lakorik ez dago. Zelanda Berriari buruz informazino orokorra jasoteko bertara joko neuke.

Turismo kontuei buruz informazinoa jasoteko barriz "New Zealand 0 Pure" leloa erabilten dau bertoko erakunde ofizialak. Bere web orria konpletoa dala begitantzen jata. Facebooken, Twitterren, Youtuben eta Flickr -en jarraitu zeinkiez turismo kontuak.

Dirua

Zelanda Berriko dolarra da bertoko moneta: 1€ = 1.6$NZD

Kutxazainak baztar guztietan dagoz eta kreditu txartelagaz ordaintzeko be ez dago inongo arazorik. Zentimo bat, bi, bost, hamar, 20 eta 50eko txanponak dagoz. Gero 1 dolar eta bikoak be bai. Billeteak 5, 10, 20, 50 eta 100ekoak erabili izan dodaz eskuetan nik.

Mobila

Nik ez neuke hona Euskal Herriko mobilik ekarriko. Akaso mobila librea badaukazue hori eta gero berton erosi SIM txartela. Konpainia nagusi biak Vodafone eta 2degrees dira. Bigarrenak emoten dau, nire ustez, zerbitzuan eta prezioan aukera handiena eta merkeena be bada. Gero, bestetik, badira atzerrira egiteko telefono txartelak be bai.

Ez dakit lagungarri izango jatzuezan aipatutakoak. Zeozer zehaztu beharrekoa faltan botaten badozue, itzi iruzkina eta erantzuten ahaleginduko naz.