Mozambiqueko gobernuak 1,2 milioi euroko isuna ipini deutso Bermeoko Txori Argi atunontzi izoztatzaileari. Afrikako herrialdeko agintarien arabera, itsasontzia lizentzia barik ebilen arrantzan Mozambiqueko uretan.

Necalako portuan dago ontzia barruan 30 arrantzale inguru dituela. Arazorik ezean, gaur bertan urtengo dau itsasora isuna ordaindu eta gero.

Inpesca enpresako ontzia da Txori Argi eta bertatik guzurtau egin dabe atunontzia lizentzia barik ebilenik. Lizentzia ordainduta dauka orain dala hilabete.

Kapitainak adierazo dauenez, Madagascarko uretan bota eben sarea uretara eta korronteak mendebalderantz eroan eban. Indarrean dagoan arrantza hitzarmenaren arabera, Txori Argi ez egoan Madagascarko uretan. Mozambiqueko gobernuak, ostera, ur horreen ganeko subiranotasuna eskatzen dau.