Teknologia barriei buruz eta sareko albiste, nobedade eta bitxikeriei buruzko atala. Euskarazko online proiektuei tarte berezia eskainiko deutsagu.
Auckland, 2012-10-30
Euskararen Nazioarteko Egunera begira Google-k euskal ikurra egitea gura badozu, Eusko Ikaskuntzak hori eskatuz abian ipini dauan kanpainan parte hartu zeinke.
Google bilatzaileak ia egunero aldatzen dau bere loga eguneko efemeridearen arabera. Joko Olinpikoen hasiereak, idazle-abeslarien jaiotza-heriotza egunak, herrialde diferenteetako egun historikoak, Nazioarteko Egun bereziak... danetariko ikurrak egin izan dauz.
Abenduaren 3an, Euskararen Nazioarteko Eguna ospatuko dogu barriro. 2005. urteaz geroztik, Eusko Ikaskuntzak ekimen diferenteak abian ipini dauz online. Aurten, Google-i egun horretarako euskal ikurrekaz doodlea egiteko eskatuko deutso.
Eskariak online jasoko ditu Eusko Ikaskuntzak. Abenduaren 1era bitartean, edonork, emon leikio atxikimendua kanpaineari. Norbere izen-abizenak ipintea baino ez da egin behar. Dagoaneko zabalik dago.
Info +
Googlen doodleen hemeroteka
Doodle hitzaren jatorria - wikipedia
![[Bizkaia Irratia]](http://www.bizkaiairratia.com/images_front/logoa_oina.png)
