Fredi Paiak batu ditu eskualdeko bertsolaritzearen ganeko kontuak "Uribe Kostako bertsolaritza" liburuan. Bere esanetan aspalditik dagoz bertsolariak Uribe Kostan, ez da gaur egungo kontua. Bertsolari horreei eskertu behar ei jake, besteak beste, euskereari eta bertsolaritzeari ibizirik eusteko ahalegina.                          

Izan be museoen nazinoarteko eguna da gaur, eta makina bat ekitaldi antolatu ditue ospatzeko Bizkaiko Foru Aldundiaren ardurapean dagozanek. Gordeta daben ondarea erakusteaz gain, gehienetan ekitaldi osagarriak antolatu dira museoen egun honetarako.

Negozioetan internet zelan erabili behar dan azaltzeko Jaurlaritzak jardunaldi bat antolatu dau. Ekonomiaren garapen eta lehiakortasun sailak SPRIren bidez antolatu dau jardunaldi hau. Ekonomiaren garapen eta lehiakortasun sailak SPRIren bidez antolatu dau jardunaldi hau. Unai Calbar SPRIn enpresa digitalaren arduraduna da.

Aurten Bizkaiko Ikastolen alde Portugaleten egingo daben Ibilaldiak 7,3 kilometroko ibilbidea eukiko dau. Aldatzak Leunduz lelopean milaka euskatzale itxaroten dabez Portugaleten maiatzaren 26rako. Txus Bilbaok Asti-leku ikastolako zuzendariak ibilbidearen mapea osotu deusku. Aurtengo Ibilaldian Industrian euskararen alde egin dabenak omenduko dabez Portugaleten. Kontzertuen artean Herri Oihua, Hesian, Skasti, Kherau, Gatibu, Zarama eta DJ Makala egongo dira, besteak beste. Aurtengo Ibilaldiak, Elai Alai kultur alkarteak urtero antolatzen dauen folklore azokeagaz bat egingo dau. Portugaleteko gunean, artisauak, Kataluniako castellersak eta kale animazinoa egongo dira, besteak beste. Soterak, Jarrillerak eta Kaikuk be itsasadarreko hiru gune desbardinetan arraunean ibilteko tailerrak eta estropaden ikuskizuna be bermatu dabe.  

1988an sortu zan, Aitor Landa zuzendariordeak Lau Haizetara irratsaioan gogoratu dauenez. Urte guzti honeetan 3.034 laguneri emon deutse lana edo formazinoa Basalanen. Profesionalizazinoaren eta etenbako prestakuntzearen aldeko apustua egiten jarraitzen dabe.